• Euro 2020 vijon sot me një agjendë të ngjeshur, pasi pritet të zhvillohen katër ndeshje interesante të raundit të tretë dhe të fundit në grupet B dhe C.
Nga ora 18:00, në Grupin C do të ballafaqohen Maqedonia e Veriut me Holandën dhe Ukraina me Austrinë. Kujtojmë se Holanda tashmë ka siguruar kualifikimin në fazën e ardhshme, ndërsa Maqedonia e Veriut nuk ka gjasa, pasi që renditet e fundit në grup, pa asnjë pikë. Ndërkaq, Austria dhe Ukraina do të sfidohen për vendin e dytë, pasi që të dyja kanë nga tri pikë. Nga ana tjetër, nga ora 21:00, Grupi B sjell ndeshjet tjera shumë interesante, Finlandë-Belgjikë dhe Rusi-Danimarkë. Ky grup kryesohet nga Belgjika, me gjashtë pikë, e ndjekur nga Rusia, me tri pikë, po aq sa ka edhe Finlanda. Ndërsa Danimarka pozicionohet e fundi pa asnjë pikë.
