Në Gorë pati një incident – Sulmohet Adem Hoxha!

Në Gorë pati një incident – Sulmohet Adem Hoxha!

Dragash, 11 qershor 2017 – Në fshatin Krushevë të trevës së Gorës, raportohet se ka ndodhur një incident mes goranëve, përkatësisht mes kryetarit të JGP-së, Adem Hoxha dhe Safet Kushit, i cili pretendon se është i pari i Gorës. Ngjarja ka përfunduar me denoncim në polici nga ana e Adem Hoxhës, i cili ka thënë se ishte sulmuar verbalisht nga Safet Kushi, i cili kishte tentuar të përleshej edhe fizikisht por që të pranishmit e kanë shmangur këtë përleshje. “Askush nuk e priste se ky person që jeton në Zvicër dhe nga atje vazhdimisht më fyente në Facebook, sot do të merrte guximin të përleshej edhe fizikisht. Por, të pranishmit nuk e lejuan përleshjen fizike dhe gjithçka përfundoi me sulme dhe fyerje verbale, duke më thënë se do të më shfaroste”, tha Hoxha për redaksinë tonë, duke shtuar se rastin e ka paraqitur edhe në polici.
Burimet tona nga policia e kanë konfirmuar se rasti është paraqitur në polici nga Adem Hoxha dhe nesër pritet që të merret në pyetje edhe Safet Kushi, kur do të mësohet gjithçka rreth këtij incidenti.