Hyseni vizitoi Dragashin – U interesua për sigurinë!

skender hyseni ne dragashDragash, 13 gusht 2015 – Ministri i Punëve të Brendshme, Skender Hyseni, i shoqëruar nga bashkëpunëtorët e tij të ngushtë, sot qëndroi në Dragash, ku u takua me kryetarin e Komunës, Salim Jenuzin.
Për këtë vizitë nuk ishin njoftuar mediat lokale, por në rrjetet sociale është bërë e ditur nga disa zyrtarë se qëllimi i vizitës së ministrit Hyseni kishte të bënte me gjendjen e sigurisë në këtë komunë. “Qëndrim i përbashkët ishte, se gjendja e sigurisë në komunën e Dragashit është e mirë”, ka shkruar në profilin e tij në Facebook, drejtori i Administratës komunale dhe Personelit, Avni Nebiu.