Flamuri kombëtar shqiptar, realizohet edhe në flokë!

Prishtinë, 28 nëntor 2013 – Dita e Flamurit po shoqërohet nga aktivitete të shumta dhe interesante. E tillë është edhe ajo e rrjetit të studiove “Passion” që ka realizuar për herë të parë flamurin kombëtar, në flokët e një femre. Ky rrjet i studiove ka njoftuar, se është kompania e parë që ka arritur të realizojë në flokë shqiponjën dykrenare, në mënyrë krejtësisht natyrale.
Fotografinë e ka realizuar, Artan Korenica, teksa për grimin është përkujdesur, Florentina Syla, nga rrjeti Passion, e për stilin u përkujdes, Yllka Brada.