Gjenerata e re po vjen – Fundjavave, më shumë qen se banorë!

Dragash, 22 mars 2014 – Gjatë ditëve të fundjavave, në Dragash ka më shumë qen se sa banorë. Kjo ka bërë që, ata banorë të paktë që janë të përhershëm në këtë qytezë, të kenë edhe një hall më shumë, frikën nga qent endacakë.
Përderisa ankesat po vijnë duke u shtuar, në lidhje me qent endacakë që kanë vërshuar qytezën e Dragashit, në ditët e para të pranverës janë duke u parë edhe shumë këlyshë, të cilët paralajmërojnë se këtë verë do të ketë më shumë qen se sa banorë në Dragash.