Polici nga Kosova, pretendon se ka gjelin më të mirë në botë!

gjeli per ginisVushtrri, 25 dhjetor 2013 – Polici, Ramadan Merovci, nga Vushtrria e Kosovës, pretendon të arrijë Ginisin, me gjelin e tij që këndon bukur dhe gjatë. Thotë se e veçanta e gjelit që posedon ai, është këndimi që zgjat plot 66 sekonda.
Ai pohon se kohëzgjatja e këndimit që bën gjeli i tij, është shumë më e lartë se e gjelave të zakonshëm. Merovci thotë se gjeli i tij është racë autoktone e Kosovës dhe se kjo racë e veçantë vjen nga treva e Drenicës, por që gjendet edhe në Mitrovicë e Prishtinë, si dhe në vise të tjera të Kosovës.