Haxhinjtë nga Kosova mbesin të ngujuar në Mekë!

Mekë, 27 shtator 2015 – Raportohet se 800 haxhinjtë nga Kosova, të cilët ndodhen në vendin e shenjtë, janë të ngujuar në Mekë dhe, siç raporton Klan Kosova, që nga ora 15:00 ende kanë mbetur të ngujuar nëpër autobusë dhe askush nuk është duke u marrë me ta.
Plani ka qenë që, nga qyteti i Mekës, të bëhet nisja për në Medinë, por deri më tash kjo nuk ka ndodhur, për arsyet që askush nga haxhinjtë nuk i ka të njohura. Megjithatë, gjendja e tyre shëndetësore është e mirë dhe nuk ka arsye për brengosje, raporton – Klan Kosova.