Ia këput veshin me dhëmbë, se ia ngacmoi gruan!

Korçë, 17 mars 2014 – Një ngjarje jo e zakontë ka ndodhur në Bilisht të Korçës, në Shqipëri, ku një 41-vjeçar, pas një konflikti me një 32-vjeçar, ia ka këputur me dhëmbë veshin këtij të fundit.
Policia e këtij qyteti njoftoi se ka arrestuar 41-vjeçarin, Ferdinand Mulla, i cili akuzohet për plagosje me dashje të 32-vjeçarit. Sipas policisë, sherri ka nisur kur 32-vjeçari ia ka ngacmuar verbalist gruan Ferdinand Mullës, i cili e kishte parë këtë skenë nga një lokal ku ishte ulur. Ky i fundit menjëherë ka reaguar, duke e goditur me grushte 32-vjeçarin dhe më pas e ka kafshuar, duke i këputur një copë të veshit.