Prizren, 18 maj 2015 – Kryetari i nëndegës së LDK-së në Vlashne, Petrit Hoxhaj, i ka kërkuar falje kryetarit të degës së kësaj partie në Zhur, Nijazi Ademajt, për kundërshtimet që ia ka bërë gjatë procesit zgjedhor për kryetar të degës së LDK-së në Zhur.
Në mesazhin që Hoxhaj ia ka dërguar Ademajt, përmes Facebook-ut, e të cilin e transmeton portali “PrizrenPress”, shihet qartazi kërkimfalja ndaj kreut të LDK-së në Zhur, të cilin ky portal e ka cilësuar si dyfytyrësi nga ana e Hoxhajt dhe si lojë me opinionin. “Po, është e vërtet që ia kam dërguar këtë mesazh Nijaziut. Qëllimi ka qenë me e zbutë situatën”, citohet Hoxhaj nga portali – PrizrenPress
