Ngrihet aktakuzë kundër imamit, Irfan Salihu!

Prizren, 15 shkurt 2016 – Prokuroria Themelore në Prizren ka ngritur aktakuzë kundër imamit të xhamisë “Suzi Qelebi” në Prizren, Irfan Salihu, me dyshimin se ka kryer veprën penale të nxitjes së urrejtjes, përçarjes ose mosdurimit kombëtar, racor, fetar apo etnik, vepër kjo që trajtohet me Kodin Penal të Kosovës.
Imami Salihu dyshohet se në mars të vitit 2013 ka nxitur, ka përhap publikisht urrejtje, përçarje ose mos durim midis grupeve kombëtare, fetare etnike apo grupeve tjera që jetojnë në Republikën e Kosovës. Sipas prokurorisë, i akuzuari, në ligjëratën e tij me temën “Si ta shtojmë bereqetin”, para pjesëmarrësve ka theksuar se “në periudha të ndryshme gjatë pushtimit të Perandorisë Osmane në trojet tona kanë qenë 1% shqiptarë”.