Albin Kurtit i caktohen 30 ditë paraburgim!

Prishtinë, 28 nëntor 2015 – Deputeti në Kuvendin e Kosovës, Albin Kurti, si dhe dhjetëra anëtarë të tjerë të Lëvizjes Vetëvendosje, sot janë arrestuar në Prishtinë. Mësohet se Kurti është transferuar në Prokurorinë Themelore të Kosovës, në Pallatin e Drejtësisë.
Lajmi është konfirmuar nga organet gjegjëse, ndërkohë që raportohet se Kurtit i është caktuar masa e mbajtjes në arrest për 30 ditë.
Albin Kurti është arrestuar, sapo është kthyer në selinë e partisë së tij, nga tubimi që opozita organizoi sot, ndërkohë rreth 80 aktivistë janë arrestuar për shkak të rezistencës së dhunshme që shfaqën kundër policisë, e cila po e kërkonte Kurtin.