Dragash, 03 maj 2022 – K.R.U. “Hidroregjioni Jugor“ SH.A në Prizren, sapo ka njoftuar se, për shkak të problemeve të paraqitura në rrjetin e ujësjellësin e Dragashit, që nga mbrëmë ka ndërprerje të furnizimit me ujë, në gjithë ujësjellësin që menaxhohet nga kjo kompani. “Shërbimi operativ është duke u angazhuar maksimalisht për të identifikuar dhe eliminuar problemin në një afat sa më të shkurtë të mundur, për t’a rikthyer furnizimin e rregullt me ujë në Dragash dhe fshatrat që furnizohen nga ky rrjet”, thuhet në njoftimin e Hidroregjionit Jugor, duke falënderuar konsumatorët për mirëkuptim.
