Një grua nga Bellobradi i jep fund jetës!

Dragash, 12 prill 2014 – Policia ka njoftuar për një ngjarje tragjike, e cila ka ndodhur sot në Bellobrad, komuna e Dragashit, ku një grua i ka dhënë fund jetës së saj. “Të shtunën, në Bellobrad të Opojës, komuna e Dragashit, një grua 61-vjeçare ka kryer vetëvrasje, duke e varur vetën. Shkaqet dhe motivet që e kanë çuar deri në këtë akt, ende janë të panjohura. Policia ka dalë në vendngjarje, ku ka kryer hetimet e para, bashkë me institucionet përkatëse. Trupi i viktimës është shpënë në Prishtinë për obduksion”, thuhet në njoftimin e policisë.