Prizren, 22 nëntor 2024 – Pak pas mesnatës, me të marrë një informatë përmes rrugëve operative, një patrullë nga Stacioni Policor në Prizren ka shkuar në një lokal, i cili gjendet në rrugën “2 Korriku” në Prizren, ku dyshohej për organizim të skemave piramidale dhe bixhoz të paligjshëm. Gjatë kontrollit janë hasur tetëmbëdhjetë persona, shtetas të Kosovës, të cilët janë arrestuar. “Gjatë kontrollimit, tek njëri nga të dyshuarit është gjetur një pistoletë, gjersa tek dy të dyshuar tjerë janë gjetur dy thika. Pistoleta, një karikator me shtatë fishekë, si dhe dy thika janë konfiskuar nga zyrtarët e krim-teknikës, të cilat do të përdoren si dëshmi në gjykatë. Të gjithë personat e dyshuar janë arrestuar dhe janë sjellë në stacion policor, ku janë intervistuar. Me urdhër të Prokurorit të Shtetit, iniciohen rastet për Organizim i skemave piramidale dhe bixhoz i paligjshëm, si dhe për armëmbajtje pa leje”, thuhet në njoftimin që zyrtari për informim, Vesel Gashi, e ka dërguar në redaksinë tonë.
