Moskë, 06 mars 2018 – Humbën jetën 32 persona, nga të cilët 26 udhëtarë dhe gjashtë anëtarë të ekuipazhit, kur aeroplani rus AN-26 u rrëzua sot në Siri.
Lajmin e ka bërë të ditur Ministria e Mbrojtjes e Federatës Ruse. “Sipas të dhënave paraprake, një problem teknik mund të jetë shkaku i prishjes së avionit. Ky konstatim vjen nga raportet e para nga vendi i ngjarjes, të cilat thonë se zjarri nuk u hap para përplasjes”, thuhet mes tjerash në njoftimin e Ministrisë ruse të Mbrojtjes.