Sava Janjiq bën thirrje për luftë!

Prishtinë, 18 tetor 2015 – Duket se udhëheqësi shpirtëror i ortodoksëve në Manastirin e Deçanit, Sava Janjiq, është duke lobuar fuqimisht kundër anëtarësimit të Kosovës në UNESCO. Ai së fundi është bërë pjesë e një debati me Hajrulla  Çekun, në rrjetin social Twitter, ku ky i fundit njihet për ngritjen e zërit në mbrojtjen e trashëgimisë kulturore në Kosovë.
Në përgjigjen qe i është dhënë Hajrulla  Çekut nga prijësi shpirtëror serb, është potencuar se dhuna është mjeti që duhet përdorur për njohjen e Kosovës nga Serbia. Ndërkaq, Çeku ka shkruar në statusin e tij se është shumë i sigurt që anëtarësimi i Kosovës në UNESCO do ta ndihmojë edhe Atin Sava Janjiq në pastrimin e shpirtit të tij, si dhe do ta shtyj që të predikojë paqen në vend të luftës.