Facebook detyron kompanitë, që të paguajnë për marketing!

Kaliforni, 24 mars 2014 – Kompania “Facebook” ka paralajmëruar se numri i personave që arrijnë të shohin postimet e faqeve të bizneseve, do të bie në të ardhmen, duke ndryshuar kështu politikat e shfaqjes së faqeve në Timeline.
“Në muajt e fundit, ne kemi pasur biseda me klientët tanë, për uljen e shikueshmërisë së tyre në Timeline, për shkak të konkurrencës më të madhe që vjen nga klikimi i butonit “Share”, ka thënë njëri nga zëdhënësit e Facebook-ut, sipas të cilit, këto ndryshime do të ndikojnë në shtimin e pagesave për reklamat në Facebook.
Mësohet se qëllimi i këtij ndryshimi nga Facebook, ka për qëllim që t’i detyrojë kompanitë, për të paguar shërbimin që ofron rrjeti më i madh social në botë, i cili postimet e kompanive reklamuese i qon tek një audiencë e madhe.