Manneken Pisi i Brukselit, sot është shqiptar!

Bruksel, 28 nëntor 2015 – Shqiptarët që jetojnë dhe veprojnë në Bruksel, mes tjerash, e kanë veshur edhe Manneken-in e famshëm me rroba kombëtare shqiptare, veprim ky për të cilin është marrë leje paraprake nga autoritetet lokale në këtë qytet.
Për statujën e djaloshit më të famshëm në kryeqendrën e BE-së, janë shkruar shumë legjenda, varësisht se nga kush buronin ato. Legjenda më interesante thuhet të jetë, kur një djalosh po urinonte mbi zjarrin që kishte shpërthyer në pallatin mbretëror, duke iu ndihmuar kështu zjarrfikësve në shpëtimin e pallatit nga djegia.