Donika e AAK-së zotohet se nuk do të ndalen me kaq!

Prishtinë, 22 shtator 2015 – Pas aksionit të sotëm të opozitës në Kuvendin e Kosovës, ku kryeministri, Isa Mustafa, u gjuajt me vezë nga opozita, deputetja e AAK-së, Donika Kadaj – Bujupi, ka paralajmëruar se do të vazhdohet me aksionin e tyre, përderisa kryeministri i Kosovës të mos e tërheq nënshkrimin nga marrëveshja e fundit me Serbinë. “Veprimi i sotëm ishte i domosdoshëm pasi kryeministri ka nënshkruar marrëveshje, të cilat e shkatërrojnë Kosovën. Ne do të vazhdojmë me aksionet tona, deri në tërheqjen e nënshkrimit nga Isa Mustafa”, i tha Radio Sharrit, Donika Kadaj – Bujupi.