Një antipastë, me bazë peshku e drithërash, një pjatë e vetme me mish e perime dhe një ëmbëlsirë, me bazë kosi dhe frutash të thata. Kjo do të ishte pjata perfekte, ose të paktën ajo që cilësohet e tillë nga studimet e sapo publikuara nga “Leather Head Food Institute”, ent ky i pavarur që studion ushqimin dhe veçoritë e tij, për t’i ardhur në ndihmë shoqërive prodhuese.
Kërkuesit kanë kryqëzuar të dhënat e grumbulluara nga rreth 4 mijë njoftime të analizuara, që kishin të bënin me të ushqyerin e rregullt dhe të shëndetshëm. Në këtë mënyrë, ky institut ka arritur të krijojnë menynë perfekte, sipas cilësisë ushqyese, prezencës së proteinave, vitaminave dhe substancave që ndihmojnë zemrën, qarkullimin e gjakut dhe që lufton yndyrën në gjak. Ky rezultat ka dëshmuar se, menyja më e shëndetshme në botë, është ajo që ka më pak produkte mesdhetare nga sa mendohej.
Menyja fillon me pjatën me salmon (i freskët apo i tymosur), i shoqëruar me bukë integrale të një cilësie të lartë drithërash dhe e shërbyer me një sallatë të spërkatur me vajë ulliri. Më pas, kalohet në një pjatë të fortë, me pulë e thjerrëza, e shoqëruar edhe nga perime të ndryshme të pjekura. Për ta mbyllur, shërbehet një ëmbëlsirë, me bazë kosin e mbuluar me arra dhe karamele. Përveç kësaj, për të qetësuar urinimin në kohë pa kohë, sugjerohen, mes të tjerash, çokollata e ngrohtë, frutat e thara, frutat nga pylli por edhe dy litra ujë në ditë dhe çamçakëz pa sheqer. Sipas kërkuesve, të cilët e kanë përgatitur menynë, çdo element ndodhet në listë për një motiv të caktuar, nga salmoni i pasur me Omega 3, për të mbajtur nën kontroll kolesterolin, deri tek buka integrale që ndihmon trurin dhe gratë shtatzëna, si dhe tek proteinat e pulës për masën muskulore. Gjithashtu, nuk janë përjashtuar as vetitë e thjerrëzave që ndihmojnë në reduktimin e lodhjes dhe stresit.
|